Selos do Camiño de Santiago
A historia da filatelia e o Camiño de Santiago sempre foi moi estreita. Dende o primeiro selo en 1937 dedicado a un Ano Santo ata hoxe, o Camiño protagoniza un bo número de produtos filatélicos.
O propio Camiño de Santiago conta cun selo específico, emitido en 2016. Nel pode verse a fachada principal da Catedral de Santiago recibindo aos peregrinos e a tradicional vieira.
Selo 'Camiño de Santiago. Festas do Apóstolo'
Correos súmase á celebración do 25 de xullo, Día de Santiago, cun novo selo dedicado á meta do Camiño: Santiago de Compostela.
Cun deseño especial con forma de cuncha de vieira, o selo está protagonizado por unha das vistas máis icónicas da Catedral compostelá. Trátase da fachada da basílica dende o Parque da Alameda, unha estampa que gozan milleiros de peregrinos cada ano.
Selos dos Camiños do Norte
Os selos dedicados ao Camiño de Santiago máis recenetes son os pertencentes á serie sobre Os Camiños de Santiago do Norte Peninsular, unha orixinal homenaxe filatélica cos lugares máis representativos de cada un destes itinerarios que foron declarados Patrimonio Mundial da UNESCO en 2015.
LER MÁISA serie inaugurouse co Camiño Costeiro a través dun carné troquelado co perfil da costa norte da Península, que inclúe oito selos con puntos destacados como o monasterio de Zenarruza, a Colexiata de Santillana del Mar, o Conventín de Valdediós ou a portada do Hostal dos Reis Católicos de Santiago.
O segundo carné está dedicado ao Camiño Primitivo, a Ruta que se estende de Oviedo a Compostela. Os selos ofrecen motivos propios deste itinerario como a figura do rei Afonso II, precursor desta Ruta, as catedrais de Oviedo e de Lugo ou o cruceiro de Melide.
.jpg)
O terceiro está dedicado ao Camiño de Liébana, Ruta que discorre por Cantabria. O carné fiatélico dedicado ao Camiño Lebaniego está formado tamén por oito selos, protagonizados por dúas xoias da Ruta: a igrexa de Santa María de los Ángeles, de San Vicente de la Barquera; e a igrexa de Santo Totibio de Liébana.
A serie péchase cun cuarto carné filatélico dedicado ao Camiño interior do País Vasco e La Rioja e pode adquirirse en Correos Market. Nesta ocasión, os protagonistas dos selos son a Iglesia de Nuestra Señora de La Asunción a de La Puebla de Arganzón, a igrexa do Juncal de Irún, a Catedral de Santo Domingo de la Calzada e a Catedral Nueva de Vitoria.
Selos Xacobeo 2021-2022
Na celebración do Xacobeo 2021-2022, Correos levou a cabo dúas accións.
En 2021 lanzou un selo conmemorativo de Floreano, unha das personaxes máis emblemáticas da prensa galega. Creado polo viñetista Gogue, Floreano saíu das páxinas do Faro de Vigo para converterse nun peregrino coa súa esclavina, bordón e cabaza neste selo dedicado ao Xacobeo 2021.
Para 2022, o motivo elexido para o selo do Xacobeo foi a moeda de trinta euros que ten no seu reverso unha imaxe alegórica do Camiño de Santiago, cun peregrino e a Catedral detrás.
Credencial Filatélica dos Camiños do Norte
En conmemoración ao Xacobeo 2021-2022, a Credencial Filatélica chega ao Camiño do Norte, cubrindo catro das máis singulares Rutas deste Camiño: Costero, Primitivo, Liébana e Interior do País Vasco e La Rioja.
A Credencial Filatélica dos Camiños do Norte inclúe un total de catorce selos e mataselos, testigos das diferentes etapas destas Rutas Xacobeas.
Esta Credencial Filatélica rinde homenaxe aos Camiños do Norte de España, unha rede de máis de 1.500 quilómetros que foron recoñecidos en 2015 pola UNESCO como Patrimonio da Humanidade.
'El Camino de Santiago. Sello a sello'
En conmemoración ao Año Santo Compostelano, Correos lanzou o libro filatélico 'El Camino de Santiago. Sello a sello'.
Este libro ofrece unha viaxe polo Camiño de Santiago a través de sellos de trece autores e preciosas ilustracións de Alicia Aradilla. Ao final del libro, os amantes do Camiño atoparán unja recopilación moi especial: a reprodución de todos os selos Xacobeos rexistrados ata hoxe, así como o selo conmemorativo do Xacobeo 2021 e unha reprodución do selo da Catedral en plata lanzado en 2018.
O libro filatélico do Camiño de Santiago vén con tres láminas de Alicia Aradilla que conteñen imaxes da Catedral de Santiago, do Pórtico da Gloria e dunha hermosa paisaxe do Camiño.
Matasellos del Camino
En moitas das 150 oficinas que Correos ten ao longo das diferentes rutas do Camiño de Santiago dispoñemos de cuños turísticos que representan a gran riqueza arquitectónica, artística e natural destes lugares.
Aquí deixámosche una galería cos principais cuños turísticos do Camiño que poderás atopar nas nosas oficinas:
