Egiaztagutun Zigiluak

Egiaztagutun Zigiluak

Santiago bideko zigiluak

Santiago bideko zigiluak

Filateliaren historia eta Santiago bidea oso estu lotuta egon dira beti. Santiago bidea produktu filateliko askoren elementu nagusia izan da, 1937. urtean Urte Santu bati eskainitako lehenengo zigilua merkaturatu zenetik gaur egun arte.

Izan ere, Santiago bideak berak bere zigilua dauka, 2016. urtean sortu zena. Horretan, Santiagoko fatxada nagusia erromesak hartzen eta ohizko erromes-maskorra ikus daitezke.

Gainera, Santiago de Compostela, Bide guztien helmuga, Munduko Ondareari eskainitako zigilu baten elementu nagusia da, eta horretan protagonistak Apostolua, Katedrala eta hiria bera dira.

Santiagoren gaian oinarritutako azken zigiluak Penintsula Iparraldeko Santiago Bideak seriekoak dira. Horretan, 2015. urtean Unesco-ren Munduko Ondaretzat jo ziren ibilbide bakoitzeko tokirik esanguratsuenak agertzen dira omenaldi filateliko gisa.

Kostaldeko bidearekin eman zitzaion sarrera serieari, Penintsulako iparraldeko kostaldearen profila trokelatuta zeukan txartel baten bitartez; horrekin batera 8 zigilu zetozen, zenbait toki nabarmenarekin besteak beste, Ziortzako monastegia, Santillana del Mar-eko kolegiata, Valdediós-eko Conventín edo Santiagoko Errege Katolikoen Ostatuko aurrealdea.

Bigarren txartela Bide Primitibora eskainita dago, Oviedotik Santiago de Compostelara doan bidea, alegia. Zigiluek ibilbide horretako motiboak dauzkate, besteak beste, ibilbidearen aitzindari Alfonso II.aren irudia, Oviedo eta Lugoko katedralak, edo Melide-ko gurutzea.

Hirugarrena Liébana-ko Biderako da, Kantabrian zehar doan ibilbidea. Liébana-ko Bidera eskainita dagoen txartel filatelikoak zortzi zigilu ditu ere bai, ibilbideko bi altxor nabarmenduz: San Vicente de la Barquera-ko Santa María de los Ángeles eliza, eta Santo Toribio de Liébana-ko eliza.

Santiago bidera eskainitako bildumak hainbat zigilu ditu, eta protagonistak Santiago bideko pertsonaiak, monastegiak, elizak eta ibilbideetako monumentu esanguratsuak dira, besteak beste, Santillana del Mar-eko kolegiata, Ponferrada-ko gaztelu tenplarioa, Leoneko San Marcos Ostatua, edo Leon, Burgos, Oviedo edo Jaca-ko katedralak.

Egiaztagiri Filatelikoa

Egiaztagiri Filatelikoa

Zigiluak eta Santiago bidea maite dituztenek oso kide berezia izan dezakete bidean: Santiago bidean zehar zigilatu behar den txartelari omenaldia egiten dion egiaztagiri filatelikoa, hain zuzen ere.

Egiaztagiri Filatelikoak Correos-eko 15 zigilu ditu, eta horietan Orreagatik Santiagora (Iruña, Burgos, Leon, Astorga, Ponferrada edo O Cebreiro udalerrietatik igaroz) doan Frantziako bideko etaparik adierazgarrienetako batzuk biltzen dira.

Correos-eko egiaztagiri filatelikoak ez ditu “Compostela” lortzeko Santiagoko katedralak edo Santiago bideko Lagunen Elkarteek igortzen dituzten egiaztagiriak ordezkatzen, baina horri esker Bideko oroigarri polita izan dezakegu.

Egiaztagiri ofizialarekin gertatzen den moduan, egiaztagiri filatelikoari Santiago bideko Lagunen Elkarteetan, parrokietan, eta Frantziako bidean zehar dauden posta-bulego guztietan zigilua jar dakioke.

Gainera, egiaztagiri filatelikoaren zigiluetan agertzen diren udalerrien Correos-eko bulegoetan zigilu-marka turistikoak daude eskuragai, toki horien aberastasun arkitektoniko handia erakusten dutenak. Izan ere, lehenengo zigilu-marka Auritzeko bulegoan aurkituko duzu (Orreagatik 2,5 km-ra).

Santiagora iristean, Rúa do Franco 4 helbidean, katedraletik 2 minututara, kokatutako bulegoan dagoen Zaindegira jo; bertan bi koloretan dagoen zigilu-marka berezia jarri ahal izango duzu, Santiago bideko zigiluarekin batera. Horrela, “erromesaldi filatelikoa” egiaztatuko duzu.

Non eskura dezaket Egiaztagiri Filatelikoa? Egiaztagiria Frantziako bidean zehar dauden Posta-bulego hauetan, Bilbo eta Donostiako bulegoetan, eta Madrileko Chamartín geltokian eta Barajas-eko aireportuaren Terminal 1ean dauden bulegoetan lor dezakezu..

Egiaztagutunaren eta estutxearen
15€ (BEZ barne)

Portugalgo bidearen txartela

Portugalgo bidearen txartela

Portugalgo bideak Portugalgo bidearen txartela dauka, Tui eta Santiago de Compostela arteko bidearen etapen zehar ibilbide filatelikoa egiteko.

Portugalgo bidearen txartelak Santiagoren ibilbidea zehazten duen posta-txartel bat dauka dagozkion etapekin, baita osagai adierazgarriak erakusten dituzten zazpi zigilu ere. Osagaiak honako udalerri hauei dagozkie: Tui, O Porriño, Redondela, Pontevedra, Caldas de Reis, Padrón eta Santiago de Compostela.

Erromesa bere ibilbidea Portugalgo bidean zehar egiaztatuz joan ahal izango da Galizian barrena eta, aldi berean, leku bakoitzaren ezaugarririk garrantzitsuenak ikusiko ditu: Tui-ko Nazioarteko Zubia; Porriño-ko udalaren eraikina, Antonio Palacios arkitektoa egindakoa; Redondela-tik ikusten den Vigo-ko itsasadarraren eta San Simón-eko uhartearen ikuspegia; Pontevedrako Peregrina-ren eliza; Bermaña-ko zubia Caldas de Reis-en; Padrón-eko “Pedrón”; eta Santiago de Compostelako katedralaren Ate Santua, besteak beste.

Portugalgo bidearen txartelarekin batera, zigilu-marka turistiko berezi batzuk merkaturatuko dira, ibiltariak uzten dituen oinatzekin etapa bakoitzaren hasierako eta amaierako udalerriak zehazten dituztenak.

Egiaztagiri Filatelikoarekin gertatzen den moduan, Portugalgo bidearen txartelak ez du Erromesaren egiaztagiria ordezkatzen; erromesarentzat oroigarri polita da, eta filatelia maite duenarentzat bilduma egiteko gaia izango da.

Bidearen zigilu-marka turistikoak

Correos-ek Santiago bideko ibilbide guztietan zehar dituen 150 bulego gehienetan zigilu-marka turistikoak daude eskuragai, eta toki bakoitzaren aberastasun arkitektonikoa, artistikoa eta naturala erakusten dute.

Santiago bidean zehar aurkituko dituzun Correos-eko bulegoetan sar zaitez egiaztagirian zigilua jar diezazugun.

Hona hemen gure bulegoetan aurkituko dituzun Bidearen zigilu-marka turistiko nagusiak erakusten dituen galeria:

Matasellos turístico SantiagoMatasellos turístico RoncesvallesMatasellos turístico JacaMatasellos turístico monasterio JacaMatasellos turístico SangüesaMatasellos turístico Iruña-PamplonaMatasellos turístico Puente la Reina-GaresMatasellos turístico Estela-LizarraMatasellos turístico LogroñoMatasellos turístico Santo Domingo de la CalzadaMatasellos turístico NájeraMatasellos turístico BurgosMatasellos turístico catedral BurgosMatasellos-turístico-Carrión-de-los-CondesMatasellos turístico LeónMatasellos turístico Villafranca del BierzoMatasellos turístico AstorgaMatasellos turístico SarriaMatasellos turístico ArzuaMatasellos turístico GernikaMatasellos turístico BilbaoMatasellos turístico PortugaleteMatasellos turístico LaredoMatasellos turístico SantanderMatasellos turístico LlanesMatasellos turístico VillaviciosaMatasellos turístico GijónMatasellos turístico AvilesMatasellos turístico LuarcaMatasellos turístico catedral TuiMatasellos turístico TuiMatasellos turístico PorriñoMatasellos turístico RedondelaMatasellos oficina postal PontevedraMatasellos turístico PontevedraMatasellos turístico Caldas de ReisMatasellos turísticos PadrónMatasellos turístico Cangas de OnísMatasellos turístico OviedoMatasellos turístico Alfonso II OviedoMatasellos turístico TineoMatasellos turístico MieresMatasellos turístico FonsagradaMatasellos turístico Puerta de Santiago LugoMatasellos turístico LugoMatasellos turístico OurenseMatasellos turístico Fisterra