Bizikleta bidalketa

CORREOSen bizikleten garraioa egiten dugu Donejakue Bidean, zure bizikleta Bidera eraman ahal dezazun

Hastera zoazen puntura eramango dugu, eta baita itzuli ere, amaitzen duzunean.

Bizikletak bidaltzeko PAQ BICICLETA zerbitzuarekin, garraioa egingo dugu egokitutako bilgarriarekin –150 cm luze, 30 cm zabal eta 90 cm altu–, ia desmuntatu ere egin behar ez dezazun. Bidalketak gutxieneko 300 euroko asegurua dauka, eta aseguruaren zenbatekoa handitzeko aukera duzu.

Nola dabil?

Bidea hasi behar duzun puntura zure bizikleta bidali nahi baduzu, zoaz gure edozein bulegora, Paq Bicicleta eskatzeko. Bulegoan gure bilgarri berezia emango dizute, bizikleta bertan sartu eta bidalketa egin ahal dezazun. www.correos.es gure webgunetik paketearen jarraipena egiteko aukera emango dizun kodea jarriko diogu.

Bidaia hasi behar duzun herriko posta bulegora bidali dezakezu (15 egunez gordeko dugu dohainik) eta zure bidaia Orreagan hasten bada Burgueteko bulegora bidaliko dugu (San Nicolas kalea, 30) , Orreagatik 3 km-ra.

Bidalketa garaiz heltzen dela ziurtatzeko, zure bizikleta hiru edo lau egun baliodun lehenago bidaltzea gomendatzen dizugu. Laguntza behar baduzu edo edozein zalantza argitzeko, gurekin harremanetan jar zaitezke paqbicicleta@correos.com helbidean.

Dagoeneko Bidea egin baduzu eta bizikleta Donejakuetik edo Bidea amaitzea erabaki duzun herritik bueltan garraiatu nahi baduzu, bila ezazu gertuen daukazun posta bulegoa eta bertatik itzuliko dizugu.

Compostelako Donejakuen bulego bat daukagu Katedraletik 2 minutura, Rúa do Franco, 4an, eta baita erromesaren arretarako puntu bat ere, zure Compostela jasotzera joan beharko duzun Carretas kaleko Erromesaren Bulegoan bertan.

Santiago de Compostelako bulegoetatik zure bizikleta Europako beste herrialde batzuetara ere bidali dezakezu: Portugal, Frantzia, Italia, Herbehereak, Suitza, Austria, Azore, Danimarka, Eslovenia, Txekiar Errepublika, Grezia, Luxenburgo, Hungaria, Polonia, Malta, Errumania, Zipre eta Kroazia. Beheko tarifak kontsultatu ditzakezu.

Prezioak

Prezio horren barruan:

Bilgarri berezia
Nahi izanez gero handitu ahal izango duzun 300 euroko asegurua sartzen da.

Penintsula barruko bidalketetarako
PAQ BICICLETA

46€ (BEZ barne)